Translate

കല്ലടയാർ - Kallada River in Punalur

കൊല്ലം ജില്ലയിലൂടെ ഒഴുകുന്ന രണ്ടു പ്രധാന നദികളിൽ ഒന്നാണ്‌ കല്ലടയാർ. ഈ നദി പശ്ചിമഘട്ടത്തിൽ നിന്നുൽഭവിച്ച്, 121 കി.മീ ഒഴുകി അവസാനം അഷ്ടമുടിക്കായലിൽ പതിക്കുന്നു. പൊന്മുടിക്ക് അടുത്തുള്ള കുളത്തൂപ്പുഴ മലകളിൽ ആണ് കല്ലടയാറിന്റെ പ്രഭവസ്ഥാനം. പത്തനാപുരം, കുന്നത്തൂർ, കൊട്ടാരക്കര, കൊല്ലം താലൂക്കുകളിലൂടെ ഒഴുകി കല്ലടയാർ അഷ്ടമുടിക്കായലിൽ ചേരുന്നു. കുളത്തൂപ്പുഴ, ചെറുതോണിപ്പുഴ, കൽത്തുരുത്തിപ്പുഴ എന്നിവയാണ് കല്ലടയാറിന്റെ പോഷകനദികൾ. കരിമൾ കടൈക്കലിൽ നിന്ന് ഉൽഭവിക്കുന്ന പൊങ്ങുമലയാർ, ഗിരികൾ മലകളിൽ നിന്നു ഉൽഭവിക്കുന്ന ഗിരിമലയാർ, പൊന്മുടിയിൽ നിന്ന് ഉൽഭവിക്കുന്ന ശങ്കളിപാലമാർ എന്നിവ കുളത്തൂപ്പുഴയിൽ ചേരുന്നു. കല്ലടയറിന്റെ കുറച്ചു ഭാഗം ഒഴുകുന്നതു ദേശീയപാത 744 സമാന്തരമായി ആണു. കല്ലടജലോത്സവം ഇരുപത്തിയെട്ടാം ഓണദിനത്തിൽ നടകുന്നതു കല്ലടയാറിലെ മുതിരപ്പറമ്പ്-കറുവത്രക്കട് മേഖലയിൽ ആണു. തെക്കൻ കേരളത്തിലെ പ്രധാന ജലോത്സവങ്ങളിൽ ഒന്നാണു കല്ലടജലോത്സവം. കേരളത്തിലെ ഒട്ടുമിക്ക പ്രശസ്തമായ ചുണ്ടൻവള്ളങ്ങൾ പങ്കെടുക്കുന്ന ജലമേളയാണിതു.


സാമൂഹിക സാംസ്‌ക്കാരിക ചരിത്രം                
കുളത്തൂപ്പുഴ മലനിരകളില്‍ നിന്നുത്ഭവിച്ച്‌ പുനലൂര്‍, പത്തനാപുരം, കുന്നത്തൂര്‍വഴി കല്ലടയെ സ്‌പര്‍ശിച്ചാണ്‌ കല്ലടയാര്‍ അഷ്‌ടമുടിക്കായലില്‍ പതിക്കുന്നത്‌. കല്ലടയാറിന്‌ 120 കി. മീറ്റര്‍ നീളമുണ്ട്‌. കല്ലുകള്‍ നിറഞ്ഞ കുന്നുകള്‍ക്കുള്ളിലാണ്‌ ഈ പ്രദേശം. കൊടുവിള കൈതക്കോട്ട്‌, പവിത്രേശ്വരം, ഉപരികുന്ന്‌, കോട്ടമുകള്‍, കണത്താര്‍കുന്നം എന്നീ പ്രദേശംകല്‍ പ്രദേശങ്ങള്‍ക്കിടയില്‍ കിടക്കുന്ന സ്ഥലത്തിന്‌ കല്ലിട എന്ന പേരുണ്ടായതായി പറയപ്പെടുന്നു. കാലന്തരത്തില്‍ കല്ലിട കല്ലടയായി. കുളത്തൂപ്പുഴയാറ്‌ എന്ന ആദ്യകാലത്ത്‌ പറഞ്ഞുവന്നിരുന്ന ഈ ആറ്‌ നിരന്നൊഴുകിയിരുന്നതായും ശാസ്‌താംകോട്ട കായല്‍ ഈ പ്രദേശവുമായി ബന്ധപ്പെട്ട്‌ കിടന്നിരുന്നതായും അക്കാലത്ത്‌ പെരുമണ്‍ മുതല്‍ കണത്താറുകുന്നം വരെ കടത്തുണ്ടായിരുന്നതായും പറയുന്നുണ്ട്‌. വ്യാപാരികള്‍ പാക്കപ്പലുകളില്‍ വന്ന്‌ നങ്കൂരമിട്ടിരുന്ന സ്ഥലമാണ്‌ കടക്കപ്പല്‍ (കടപ്പാക്കുഴി). ജലാശയത്തിന്‌ നടുക്കുള്ള കൊടുംതുരുത്തും ഈ പ്രദേശത്തായിരുന്നും കുളത്തൂപ്പുഴയാറ്‌ നിരന്നൊഴുകി  കാലാന്തരത്തില്‍   നിരന്ന്‌ വന്ന പ്രദേശമായിരിക്കണം ഈ സ്ഥലം. ഈ പ്രദേശം അന്ന്‌ മുതലകളുടെ വിഹാരരംഗമായിരുന്നു. ശാസ്‌താംകോട്ട കായലും ചീങ്കണ്ണിക്കുഴിയുമൊക്കെ മുതലതാവളങ്ങളായിരുന്നു. കല്ലടയാറാണ്‌ കല്ലടയെ രണ്ടായി വിഭജിച്ചത്‌. അങ്ങനെയാണ്‌ കിഴക്കേകല്ലടയും പടിഞ്ഞാറെകല്ലടയും രൂപപ്പെട്ടത്‌. 
കല്ലടയ്‌ക്ക്‌ പടിഞ്ഞാറ്‌ ഭാഗം, തുരുത്തില്‍ താമസിച്ച്‌ കൊണ്ട്‌ ആറിന്റെ ഇരുകരകളിലും സായിപ്പ്‌ ബണ്ട്‌ നിര്‍മിച്ച്‌ മലവെള്ളം തുരുത്തിലേക്ക്‌ തിരിച്ച് വിട്ടു.കരകളാണ്‌ വിഭജനത്തിന്‌ മുന്‍പ്‌ ഉണ്ടായിരുന്നത്‌. പതിനാറ കരകളും, കരനാഥന്‍മാരും, പ്രജകളും കോയിത്തമ്പുരാന്‍ എന്ന നാടുവാഴിയുടെ കീഴില്‍ കഴിഞ്ഞുപോന്നതായും അവരുടെ താവഴിയില്‍ രണ്ടു റാണിമാര്‍ കിഴക്കും പടിഞ്ഞാറുമായും ഭരിച്ചിരുന്നതായും പഴമക്കാര്‍ പറയുന്നു. കിഴക്ക്‌ മതിലകത്ത്‌ റാണിയും പടിഞ്ഞാറ്‌ ശ്രീവാണിത്തമ്പുരാട്ടിയുമായിരുന്നു റാണിമാര്‍. അന്നത്തെ ശ്രീവാണിപുരമാണ്‌ ഇന്നത്തെ ആവണിപുരം. നാടിന്റേയും നാട്ടാരുടേയും സംരക്ഷണത്തിനായി നാടുവാഴിയുടെ കാലത്തുണ്ടായിരുന്ന രണ്ട്‌ കോട്ടകളാണ്‌ പടിഞ്ഞാറ്‌ കോട്ടക്കുഴിയും കിഴക്ക്‌ കോട്ടവാതിലും . 16 കരക്കാരുടെ ആരാധനാലയമായിരുന്നു ചിറ്റുമല ദേവീക്ഷേത്രം. പതിനാറ്‌കരക്കാര്‍ ചേര്‍ന്ന്‌ പതിനാറ്‌ എടുപ്പ്‌ കുതിരകളെ കെട്ടി ചിറ്റുമല ദേവിക്ഷേത്രത്തില്‍ ഉത്സവം നടത്തിപ്പോന്നു. മതസൗഹാര്‍ദ്ദം വിളിച്ചറിയിക്കുന്ന ഒരു ആരാധനാലയമാണ്‌ 800 വര്‍ഷത്തോളം പഴക്കമുള്ള കല്ലട വലിയപള്ളി അന്ന്‌ അധികാരി എന്ന പേരോടുകൂടിയ ഒരു ഉദ്യോഗസ്ഥനാണ്‌ നാടുവാഴിത്തമ്പുരാന്റെ ആശയഭിലാഷങ്ങള്‍ക്കനുസരിച്ച്‌ ഭരണച്ചുമതല നിര്‍വഹിച്ചിരുന്നത്‌. വസ്‌തുവില്‍ സ്ഥാപിച്ച കൈവശകൃഷിക്കരില്‍ നിന്നും നികുതിയായി ഈടാക്കുന്നത്‌ നെല്ലായിരുന്നു. കാര്‍ഷിക വിളകള്‍ സമൃദ്ധിയായി വിളഞ്ഞിരുന്ന നാടായിരുന്നു പടിഞ്ഞാറെകല്ലട. 
കേണല്‍ ജോണ്‍ മണ്‍ട്രോ എന്ന സായിപ്പിന്‌ സര്‍ക്കാര്‍ കരമൊഴിവായി കൊടുത്തിരുന്ന കല്ലടയുടെ ഒരു ഭാഗം തിരിച്ച്‌ വിട്ട്‌ ഫലഭൂയിഷ്‌ഠമാക്കിയെടുത്ത സഥലമാണ്‌ മണ്‍ട്രോതുരുത്ത്‌.കല്ലടയാറുവഴി എത്തുന്ന മലവെള്ളം പടിഞ്ഞാറെകല്ലടയില്‍ കൂടി ഒഴുക്കാനും എല്ലാ നിലങ്ങള്‍ക്കും പ്രയോജനപ്പെടുത്താനും കഴിയുന്ന ഒരു സ്‌കീം വെസ്റ്റ്‌ കല്ലട സ്‌കീം എന്ന പേരില്‍ 1950-51 ല്‍ കൃഷിമന്ത്രിയായിരുന്ന ഇക്കണ്ട വാര്യരുടെ കാലത്ത്‌ തയ്യാറാക്കിയിരുന്ന തിരുകൊച്ചിയിലേയും തുടര്‍ന്ന്‌ കേരളത്തിലെയും രാഷ്‌ട്രീയ നേതാക്കന്മാരില്‍ ഏറ്റവും ശക്തനായ നേതാവായിരുന്നു കുമ്പളത്തു ശങ്കുപിള്ള. 1953 ലാണ്‌ ആദ്യത്തെ തെരഞ്ഞടുത്ത പഞ്ചായത്ത്‌ കമ്മറ്റി ഉണ്ടാകുന്നത്‌. അന്ന്‌ ഈ വില്ലേജില്‍ ആറു കരകളാണ്‌ ഉണ്ടായിരുന്നത്‌ കോതേയ നാമത്തില്‍ കോതപുരം. കണ്ടെത്താര്‍ (ഗ്രാമ വ്യവസ്ഥാപിതം) എന്ന പേരില്‍ കണത്താര്‍കുന്നവും വലിയപാടങ്ങളാല്‍ വിശാലമായ വലിയപാടവും, കോയിക്കല്‍ ഭാഗവും , നടു ഭാഗത്തെ കരയായ നടവിലക്കരയും ആറ്റിലേക്ക്‌ വെള്ളം ഒഴുകുന്ന അഞ്ച്‌തോടുകളുടേയും വായ്‌ എന്ന പേരില്‍ അയിത്തോട്ടുവയും ആയിരുന്നു ഈ ആറു കരകള്‍. ആദ്യത്തെ പഞ്ചായത്ത്‌ തെരഞ്ഞെടുപ്പില്‍ വലിയപാടം കര രണ്ടായി വിഭജിച്ച്‌ പകുതി ഭാഗം പടിഞ്ഞാറ്‌ കണത്താര്‍കുന്നം വാര്‍ഡിനോടും കിഴക്കു ഭാഗവും കോയിക്കല്‍ ഭാഗത്തിന്റെ വടക്കുഭാഗവും കൂടി ചേര്‍ത്ത്‌ വലിയാപാടം വാര്‍ഡ്‌ എന്ന പേരിലും ഒന്നായിരുന്ന അയിത്തോട്ടുവ കര വിഭജിച്ച്‌ അയിത്തോട്ടുവ വടക്ക്‌, അയിത്തോട്ടുവ തെക്ക്‌ എന്നീ വാര്‍ഡുകളുമാക്കിയാണ്‌ തെരഞ്ഞെടുപ്പ്‌ നടന്നത്‌.


ഫോട്ടോ കടപ്പാട് :അരുണ്‍ പുനലൂര്‍


Labels: ,

Post a Comment

Classifieds

[Classified][featured1]

Author Profile

{facebook#https://www.facebook.com/joypkripa}

Punalur Plywood - പുനലൂര്‍ പ്ലൈവുഡ്

Punalur Plywood - പുനലൂര്‍ പ്ലൈവുഡ്
പുനലൂരിന്റെയടുത്ത് കല്ലടയാറ്റിന്റെ തീരത്ത്‌ കുര്യോട്ട് മലയില്‍ 1943 നവംബര്‍ 11 ന് മാര്‍ത്താണ്ഡവര്‍മ്മ ഇളയരാജ ആണ് കമ്പനി ഉത്ഘാദാനം ചെയ്തത്.പിന്നീട് ട്രാവന്കോര്‍ പ്ലൈവുഡ് ഇന്‍ഡസ്ട്രീസ് ആയി തീര്‍ന്നു.പത്ത് ലക്ഷം രൂപ ആയിരുന്നു കമ്പനി സ്ഥാപിച്ചപ്പോള്‍ ഉള്ള മൂലധനം 51% ഓഹരി തിരുവിതാംകൂര്‍ സര്‍ക്കാരിനു ആയിരുന്നു.49% ഓഹരി സ്വകാര്യ കമ്പനി ആയ ചിന്നു ഭായി ആന്‍ഡ് സണ്‍സിനും.

പുനലൂരും സ്വാതന്ത്ര്യ സമരവും - Freedom Fighters in Punalur

പുനലൂരും സ്വാതന്ത്ര്യ സമരവും - Freedom Fighters in Punalur
വഞ്ചിനാഥയ്യര്‍ എന്ന സ്വാതന്ത്ര്യ സമരസേനാനി പുനലൂര്‍ കേന്ദ്രീകരിച്ച് വൈദേശിക ശക്തികള്‍ക്കെതിരെയുള്ള ദേശീയപ്രസ്ഥാനം ശക്തിപ്പെടുത്തി.നിരവധി കള്ളകേസുകളില്‍ കുടുക്കി അദ്ദേഹത്തെ രാജ്യദ്രോഹിയാക്കി മാറ്റി.പോലീസ് അദ്ദേഹത്തെ വെട്ടയാടികൊണ്ടിരുന്നു.ജനിച്ചു വളര്‍ന്ന തമിഴ്നാട്ടില്‍ നിന്നും വഞ്ചിനാഥയ്യര്‍ പുനലൂരില്‍ വന്നു താമസമുറപ്പിച്ചു.

പുനലൂര്‍ 150 വര്‍ഷം മുന്‍പ് എങ്ങനെ ആയിരുന്നു

പുനലൂര്‍ 150 വര്‍ഷം മുന്‍പ് എങ്ങനെ ആയിരുന്നു
ഒന്നര നൂറ്റാണ്ടുകള്‍ക്കു മുമ്പുള്ള പുനലൂര്‍ എങ്ങനെയായിരുന്നിരിക്കണം ? തൂക്കുപാലമോ പേപ്പര്‍ മില്ലോ ഇല്ല.(അത് രണ്ടും ഇന്നും ഇല്ലാത്ത സ്ഥിതി ആണ് ! )റെയില്‍വേയോ റെയില്‍വേ സ്റ്റേഷനോ ഇല്ല .ബസ്‌ സര്‍വീസ് ഒന്നും തന്നെ ഇല്ല പാലത്തിന്റെ സ്ഥാനത്ത് കടത്ത് വള്ളമുണ്ടായിരുന്നു.

Punalur Hanging Bridge - പുനലൂര്‍ തൂക്കുപാലം

Punalur Hanging Bridge - പുനലൂര്‍ തൂക്കുപാലം 1872 ലെ അന്നത്തെ മദ്രാസ് ഗവർണർ 'ഫയർ ധ്വര' തിരുവിതാംകൂർ സന്ദർശനം നടത്തി. മാൾട്ട് എന്ന ധ്വരയായിരുന്നു. ഗവർണറുടെ പൊളിറ്റിക്കൽ സെക്രട്ടറി. തിരുവിതാംകൂർ ദിവാൻജി സർ ടി. മാധവറാവു ആയിരുന്നു. മദ്രാസിൽ നിന്നും ഗവർണർ തിരുവിതാംകൂർ സന്ദർശിച്ചപോൾ പോളിറ്റിക്കൽ സെക്രട്ടറി ദിവാൻജി മാധവറാവുവിനോട് ഒരാവശ്യം ഉന്നയിച്ചു. 'കല്ലടയാറിനു കുറുകെ ഒരു പാലം പണിയുക'.

Punalur Papper Mill - പുനലൂര്‍ പേപ്പര്‍ മില്‍

Punalur Papper Mill - പുനലൂര്‍ പേപ്പര്‍ മില്‍ 1200 തൊഴിലാളികൾ ജോലി ചെയ്യുന്ന പുനലൂർ പേപ്പർമിൽ തിരുവിതാംകൂറിലെ ആദ്യത്തെ സം‌യോജിത ഓഹരി കമ്പനിയാണ് (ജോയിന്റ് സ്റ്റോക്ക് കമ്പനി). 1885-1888 ൽ ബ്രിട്ടീഷ് പൗരനായ ഐ. എച്ച്. കാമറൂൺ കല്ലടയാറിന്റെ തീരത്തായി മിൽ സ്ഥാപിച്ചു. കടലാസ് നിർമ്മാണ രംഗത്ത് ഈറ്റ കൊണ്ട് കടലാസ് നിർമിക്കുന്ന ഇന്ത്യയിലെ ആദ്യ സ്ഥാപനമായിരുന്നു.

Punalur Boys School

Punalur Boys School പുനലൂര്‍ ബോയ്സ് ഹൈസ്കൂളിന്‍റെ ചരിത്രം ചുരുക്കം ചില വാക്കുകളില്‍... പത്തനാപുരം താലുക്കിന്‍റെ സമഗ്ര വികസനത്തിനും അഭിവൃദ്ധിക്കും ഉതകുന്ന സ്കൂളുകള്‍, വായനശാലകള്‍, ആരോഗ്യകേന്ദ്രങ്ങള്‍,എന്നിവ സ്ഥാപിക്കുക,ഉന്നത വിദ്യാഭ്യാസത്തിനും, സാങ്കേതിക വിദ്യാഭ്യാസത്തിനും ആവശ്യമായ സ്ഥാപനങള്‍ നടത്തുക എന്നീ ഉദ്ദേശ ലക്ഷ്യങ്ങളോടെ രൂപം കൊണ്ട സംഘടന ആണ് പത്തനാപുരം താലുക്ക് സമാജം.

Punalur Railway History

Punalur Railway History ഇരുപതാം നൂറ്റാണ്ടിന്റെ തുടക്കത്തിൽ തിരുവിതാംകൂർ രാജാവ് ശ്രീമൂലം തിരുനാളിന്റെ കാലത്താണു് കൊല്ലത്തുനിന്നും പുനലൂർ - ഇടമൺ- ഭഗവതിപുരം - ചെങ്കോട്ട വഴി തിരുനെൽ‌വേലി വരെ മീറ്റർഗേജ് വീതിയിൽ പണികഴിച്ച ഈ പാത പണി നിർമ്മിക്കപ്പെട്ടതു്. ദുർഘടമായ മലമ്പ്രദേശങ്ങളിലൂടെ കടന്നുപോവുന്ന പാതയ്ക്കു് അന്നത്തെ കണക്കിൽ 1,12,65,637 രൂപയായിരുന്നു നിർമ്മാണച്ചെലവു്.

കലയനാട് പീപ്പിള്‍സ്‌ ലൈബ്രറി

കലയനാട് പീപ്പിള്‍സ്‌ ലൈബ്രറി പുനലൂരിന്റെ കിഴക്കന്‍ മേഖലയില്‍ സാമൂഹിക സാംസ്കാരിക രംഗത്ത് സജീവ സാന്നിദ്ധ്യമായി നില കൊള്ളുന്ന ഒരു മഹത് പ്രസ്ഥാനമാണ് കലയനാട് പീപ്പിള്‍സ്‌ ലൈബ്രറി, സ്പോര്‍ട്സ് ആന്‍ഡ് ആര്‍ട്സ് ക്ലബ്. കഴിഞ്ഞ 60 വര്‍ഷക്കാലമായി ഈ പ്രദേശത്തിന്റെ വികാസ പരിണാമങ്ങളുടെ ചരിത്രം കെ.പി.എല്‍.എ.സി. യുടെ ചരിത്രവുമായി ഇഴചേര്‍ന്നിരിക്കുന്നുവെന്ന് പറയാം

Contact Form

Name

Email *

Message *

Powered by Blogger.